<AI1>

1      Cyflwyniad

 

</AI1>

<AI2>

1.a  Cyflwyniad ac ymddiheuriadau

 

Ni ddaeth ymddiheuriadau i law ar gyfer y cyfarfod.

 

</AI2>

<AI3>

1.b  Datgan buddiannau

 

Ni chafwyd unrhyw ddatganiad o fuddiant.

 

</AI3>

<AI4>

1.c   Cofnodion y cyfarfod blaenorol

 

Cytunwyd ar gofnodion 13 Gorffennaf.

 

</AI4>

<AI5>

2      Cyllideb Ddrafft y Comisiwn ar gyfer 2021/22

 

Ystyriodd y Comisiynwyr ddiwygiadau pellach i'r gyllideb ddrafft, gyda mân newidiadau ers cyfarfod y Comisiwn ar 13 Gorffennaf.

Gwnaethant gymeradwyo Cyllideb Ddrafft 2021-22, cyn iddi gael ei gosod yn unol â gofynion y Rheolau Sefydlog.

At hynny, cytunodd y Comisiynwyr ar y diwygiadau i'r datgeliadau ar gyfer Safon Cyfrifeg Ariannol Ryngwladol newydd 16 – Prydlesi (IFRS 16) a diwygio blaenoriaethau Cronfa Brosiect.

At hynny, nododd y Comisiwn y llythyr a anfonwyd gan y Gweinidog Cyllid at Gadeirydd y Pwyllgor Cyllid.

 

</AI5>

<AI6>

3      Diweddariad ynghylch COVID-19

 

A.  Diweddariad ynghylch Covid-19

Nododd y Comisiynwyr y diweddariad a gafwyd ar drefniadau a fydd ar waith ar gyfer tymor yr hydref, a thrafodwyd y newidiadau diweddar i reoliadau a chanllawiau Llywodraeth Cymru. Gwnaethant gytuno i ymestyn

y cyfnod presennol o fod ar gau i’r cyhoedd tan 8 Tachwedd er mwyn ystyried y trefniadau o ran pwy sy’n bresennol yn yr adeilad yn eu cyfarfod nesaf, yn dilyn profiad hanner cyntaf y tymor ac o ystyried y sefyllfa bryd hynny.

 

B.  Y dewisiadau o ran cynyddu’r niferoedd sy’n bresennol mewn person yn y Cyfarfod Llawn

Ystyriodd y Comisiynwyr y dewisiadau o ran cynyddu capasiti’r Siambr er mwyn i’r Aelodau allu bod yno yn ystod Cyfarfodydd Llawn, y tu hwnt i’r gallu presennol, tra bod yn dal i fod angen cadw pellter cymdeithasol o ddau fetr.

Daethant i'r casgliad, er ei bod yn bwysig eu bod wedi ystyried y dewisiadau, ni ddylid mynd ar drywydd hynny ar hyn o bryd.

 

</AI6>

<AI7>

4      Cysylltiadau gwleidyddol yr Aelodau

 

Trafododd y Comisiynwyr y broses o gofnodi cysylltiadau gwleidyddol Aelodau nad oeddent yn perthyn i grwpiau pleidiau a gynrychiolir lle mae adnoddau'r Comisiwn yn cael eu defnyddio, e.e. y wefan, Cofnod y Trafodion, darpariaeth deunydd wedi’i argraffu, ac ati.

Cytunodd y Comisiynwyr y dylid caniatáu i'r Aelodau nodi eu cysylltiad ag unrhyw blaid sydd wedi'i chofrestru gyda'r Comisiwn Etholiadol. Bydd y Comisiwn yn dychwelyd at y mater yn ei adroddiad etifeddiaeth i'r Chweched Senedd.

 

</AI7>

<AI8>

5      Urddas a Pharch - adroddiad ar yr arolwg

 

Ystyriodd y Comisiynwyr gynnwys y trydydd adroddiad sy’n adolygu perfformiad yn erbyn ymrwymiad y Senedd i Urddas a Pharch, yn dilyn arolwg ar-lein a gynhaliwyd ym mis Mehefin 2020. Wrth wneud hynny, cytunodd y Comisiynwyr y byddai'n amserol adolygu'r polisi yn ei gyfanrwydd – yn barod ar gyfer y Chweched Senedd yn enwedig – ac ochr yn ochr â gwaith y Pwyllgor Safonau o adolygu'r Cod Ymddygiad. At hynny, cadarnhaodd y Comisiynwyr eu cefnogaeth i feysydd gwaith y dyfodol sydd wedi’u cynnwys yn yr adroddiad.

Caiff yr adroddiad ei gyhoeddi ar ôl ei gwblhau.

 

</AI8>

<AI9>

6      Y wybodaeth ddiweddaraf ynghylch ymgysylltu â'r cyhoedd

 

Croesawodd y Comisiynwyr ddiweddariad ynghylch paratoadau o ran gweithgareddau ymgysylltu ar gyfer mis Tachwedd yr oeddent, yn eu barn hwy, yn gynhwysfawr ac yn amrywiol. Gwnaethant drafod arwyddocâd estyn allan i gymunedau sy’n anodd eu cyrraedd, ac roeddent yn gefnogol o'r dull, sydd eisoes yn dangos mwy o gyfranogiad gan ystod fwy amrywiol o bobl.

 

</AI9>

<AI10>

7      Papurau i’w nodi:

 

</AI10>

<AI11>

7.a  Y Pwyllgor ar Ddiwygio Etholiadol y Senedd – Adroddiad

 

Nododd y Comisiynwyr yr adroddiad, sy'n cynnwys 32 o argymhellion ar gyfer Gweinidogion Cymru, y Senedd, Comisiwn y Senedd, pleidiau gwleidyddol, y Bwrdd Taliadau a'r Comisiwn Etholiadol.

 

</AI11>

<AI12>

7.b  Diweddariad gan y Bwrdd Gweithredol (penderfyniadau RAD)

 

Nododd y Comisiynwyr y crynodeb arferol o benderfyniadau o ran recriwtio, sy’n cael ei ddarparu i bob cyfarfod o'r Comisiwn.

 

</AI12>

<AI13>

7.c   Cofnodion drafft y Pwyllgor Archwilio a Sicrwydd Risg

 

Nododd y Comisiynwyr y diweddariad arferol ynghylch cyfarfod y Pwyllgor Archwilio a Sicrwydd Risg

 

</AI13>

<AI14>

7.d  Newid rheolau cynllun pensiwn Aelodau o’r Senedd

 

Nododd y Comisiynwyr fod y Bwrdd Taliadau wedi ysgrifennu am gynnig i newid rheolau’r Cynllun i roi hyblygrwydd i'r Actiwari, o ran pryd y mae'n rhaid cwblhau a llofnodi'r prisiad actiwaraidd. Ymgynghorwyd â'r holl Aelodau.

 

</AI14>

<AI15>

8      Unrhyw faterion eraill

 

·         Hwyluso datganiad trawsbleidiol – Cytunodd y Comisiynwyr i ymgynghori â'r Grŵp Trawsbleidiol ar Gydraddoldeb Hiliol o ran hwyluso datblygu datganiad Cymraeg trawsbleidiol, gan ymgorffori egwyddorion y Confensiwn Rhyngwladol ar Ddiddymu Pob Math o Wahaniaethu ar sail Hil, yn unol â chais y Senedd.

·         Llythyr oddi wrth y Pwyllgor Cyfrifon Cyhoeddus – Nododd y Comisiynwyr lythyr a gafodd y Prif Weithredwr gan y Pwyllgor Cyfrifon Cyhoeddus, yn dilyn sesiwn dystiolaeth y pwyllgor ar 21 Medi.

 

Ers y cyfarfod diwethaf, mae’r Comisiynwyr wedi gwneud un penderfyniad brys yn ymwneud ag ymestyn y cyfnod ar gyfer canslo gweithgareddau ymgysylltu cyhoeddus wyneb yn wyneb.

 

</AI15>

<TRAILER_SECTION>

</TRAILER_SECTION>

<LAYOUT_SECTION>

1.  FIELD_TITLE

 

FIELD_SUMMARY

 

</LAYOUT_SECTION>

<TITLE_ONLY_LAYOUT_SECTION>

2.  FIELD_TITLE

 

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

 

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

 

FIELD_SUMMARY

</ TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

 

</ COMMENT_LAYOUT_SECTION>

 

<SUBNUMBER_LAYOUT_SECTION>

2(i)          FIELD_TITLE

 

FIELD_SUMMARY

 

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2(ii)          FIELD_TITLE

 

</TITLE_ONLY_SUBNUMBER_LAYOUT_SECTION>